Update date：March 8, 2022

Pang-araw araw na Buhay Habang Buntis

Hindi na kailangang sabihin na malusog na sanggol ang ipapanganak kapag malusog rin ang ina ng sanggol. Sa paglipas ng mga araw, isang munti at panibagong buhay ang lumalaki sa loob ng ina. Para magiging malusog ang ipapanganak na sanggol, importante na manatiling masayahin at malusog at kumuha ng kaalaman patungkol sa pagbubuntis at panganganak.

Pumili ng medical clinic

Dahil kailangang patnubayan mo ang iyong kalusugan sa para sa 10 buwan patungo sa pagsilang ng sanggol, kailangang pumili ng medical clinic na makakapagbigay ng sapat na payo tungkol sa kalusugan. Siguraduhing isaalang-alang ang ekspertong teknikal, nursing, pasilidad, kalayuan, at paraan ng pagpunta na mula at pagbalik mula sa piniling medical clinic.

Sa Pinakataas na Pahina

 

Magpasailalim sa medikal eksamenasyon para sa mua buntis

Kapag may mga iregularidad sa iyong pagbubuntis, siguraduhing regular na nakakadalo ka sa mga medical na eksamenasyon, check-up at sundin ang anumang instruksyong medical ibinigay sa iyo.

Panuntunan sa mga eksamenasyon sa pagbubuntis

• Hanggang sa ika-23 na linggo ng pagbubuntis: isang beses sa tuwing 4 na linggo
• Mula sa ika-24 hanggang sa ika-35 na linggo ng pagbubuntis: isang beses sa tuwing 2 na linggo
• Mula sa ika-36 na linggo ng pagbubuntis: Isang beses bawat linggo

Pagiging Maingat Habang Buntis

• Magsuot ng damit na magpapadali sa iyong eksamenasyon (mabuting magkahiwalay ang kasutong pantaas at pambaba)
• Magsuot ng malinis na damit
• Makakatulong ang sanitary napkins
• Kapag napagdesisyunan mo na magpa-check up sa sa isang non-obstetrics clinic, siguraduhing maabisuhan mo ang clinic na buntis ka

Maging maingat sa pagkuha ng medisina at bakuna

Huwag resetahan ang sarili ng medikasyon sa unang trimester ng pagbubuntis, at sa kabuuang panahon ng pagbubuntis. Kapag kailangang kumuha ng medikasyon, sundan ang payo ng doktor at gamitin ito ng tama. Dagdag pa dito, kapag tatanggap ng bakuna at iba pang injection, siguraduhing maabisuhan mo ang doktor na buntis ka.

Sa Pinakataas na Pahina

 

Eksamenasyong Medical Habang Buntis

Mga Eksamenasyon sa Pagbubuntis

Blood test / Blood Type (ABO/Rh) / Syphilis / Anemia / Rubella / HB Antigens / Infectious diseases / atbp.

Kapag Nagpapa-medical Eksamenasyon

Paglaki at posisyon ng fetus / Pagkuha ng timbang / Pagsukat ng laki ng puson / Matris / Pagkuha ng blood pressure / Test sa ihi (sugar and protein)

Ipatala sa iyong Maternity Record Book ang mga resulta ng check-up at medical eksamenasyon dahil maaring magsangguni mula dito.

Sa Pinakataas na Pahina

 

Pangangalaga sa bibig

Mga Dapat Malaman Para sa Pagkakaroon ng Matibay Buto Para sa Matibay na Ipin

• Panatilihin ang kalinisang dental at oral
• Mangyaring ipasuri ang inyong mga ngipin at kundisyon ng mga buto nito sa mga dental clinic sa tulong ng dentista. Mangyari na pumunta ng regular.
• Kung kayo ay buntis at magpapagamot sa ngipin, mangyaring sabihan ang inyong dentista o doktor. At, siguraduhing magpacheckup lamang kung nasa mabuting kalagayan ang inyong katawan.

Sa Pinakataas na Pahina

 

Pagbabalik sa probinsya para manganak

• Dahil kailangang magkaroon ng appointment para makita, siguraduhing tama ang nakuha mo na pangalan at detalyeng pang-kontak ng maternity ospital.
• Piliin ang pinakamadaling paraan ng transportasyon na may pinakakaunting oscillation at paggalaw para sa seguridad ng iyong pagbubuntis. Magpasama ka sa pamilya mo kapag pauwi.
• Kumonsulta sa doktor kung kailangan ang tamang panahon para umuwi. Mainam ang isang buwan at kalahati hanggang sa dalawang buwan bago pa sa nakatakdang pagsilang, pero iba't iba ang kaso ng bawat tao.
• Magdala ng referral card na nagpapaliwanag ng progreso ng iyong pagbubuntis kapag magpapa-eksamen sa ospital kung saan gusto mong magpanganak.
• Panatilihin ang komunikasyon sa iyong asawa sa pamamagitan ng regular na pagkontak.

Sa Pinakataas na Pahina

 

Makipag-ugnayan sa Ospital sa Mga Ganitong Sitwasyon!!

Sintomas	Tugon
Pagdugo sa vagina	Laging ipalagay na may mali kapag magkaroon ng pagdudugo. Pula ang kulay ng bagong pagdudugo habang halos itim ang lumang pagdudugo. Anupaman ang kaso, kinakailangang makipagkonsulta sa doktor.
Masakit na puson	Indikasyon na maaring mag-miscarriage ang pagkakaroon ng masakit na puson. Kailangan ng karagdagang pag-iingat kapag nangyari ito kasabay ng pagdudugo mula sa vagina.
Pag-agos ng tubig	Tumutukoy ito sa maligamgam, matubig na likido na lalabas mula sa vagina. Umaagos ang tubig na ito sa tuwing nagpapatuloy ang labor at lumuluwang ang bukana ng matris. Gayunpaman, maari rin mangyari ito sa simula ng miscarriage at premature na panganganak.
Pamamaga	Kumuha ng atensyong medikal kung mangyari ang alin sa mga sumusunod: -Namamaga ang mga talukapmata o mga paa. Nananatiling naka-depress ang balat sa iyong talampakan sa matapos diinan ito gamit ng daliri. Biglang nadagdagan ang iyong timbang. Kumonti ang pag-ihi.
Mataas na lagnat	Kumuha ng atensyong medikal kung magkaroon ng lagnat na higit pa sa 38°C.

Sa Pinakataas na Pahina

Impormasyon ukol sa mga Nakahandang Sistema

Check-up Pangkalusugan Para sa Nagbubuntis na Ina

Importante na magkaroon ng regular na check-up sa kalusugan kapag buntis. Ang mga buntis na may Resident Registry sa Hamamatsu City ay maaring makakuha ng Pregnant Woman Medical Consultation Form na maaaring magamit sa loob ng period of residence kasabay ng Maternity Nursing Record Book.
Bawat medical examination form ay valid hanggang sa katapusan ng visa ng nagmamay-ari nito. Magagamit ang sheet na ito para makatanggap ng hanggang sa 14 check-up para sa mga buntis na bahagyang sagot ng pampublikong tulong sa mga naka-listang clinic. (Karamihan sa mga gynecologist, obstetrician, at maternity centers sa loob ng Hamamatsu City at Shizuoka Prefecture).

Pregnant Woman Dental Consultation Form

Mas madaling lumala ang mga problema sa bibig habang nagbubuntis. Dahil dito, mas tumataas ang posibilidad na magkaroon ng cavity at gingivitis. Para hindi masira ang ngipin at ang sumusuportang buto nito, mangyari na magpacheck sa dentista ng regular.

Tala	Nilalaman
Sino	Mga bunts na nakatira sa Hamamatsu City (estimate: pagbubuntis mula 16 weeks hanggang 31 weeks)
Mga Gagawin	Titingnan ang mga cavities at mga problema sa gums, seminar para sa kalusugan habang nagbubuntis, seminar para sa tamang paglinis ng ngipin, atbp. Hindi pwedeng isabay ang check-up at ang paggamot sa ngipin.
Bayad	Libre
Paraan sa pagpapatingin	Magpaappointment sa dentistang nakasama sa listahan ng mga aprubadong institusyon ng dentista para sa Pregnant Woman Oral Examination (ibinibigay kasama ng Maternity Health Record Book).
Mga dadalhin	Pregnant Woman Oral Examination Form, Toothbrush, Maternity Health Record Book
Pregnant Woman Oral Examination Form	Ibinibigay ito kasabay ng Maternity Health Record Book. Huwag kalimutang dalhin ito tuwing magpapatingin.
Mga Maaaring Tawagan	Kenkou Zukuri Section ng bawat Ward Office

Pagbisita sa Bahay

Kapag kinakailangan, maaring bisitahin ng doktor o rehiyunal na midwife ang bahay ng nagbubuntis.

Mga Leksyon at Kurso

* Hindi obligadong dumalo.
* Walang interpreter.

Leksyon/Pangalan ng Kurso (Lokasyon)	Mga Kalahok	Dami ng Leksyon	Detalye
Happy Maternity Class	Pagbubuntis bago pa sa unang panganganak ika-16-ika-31 na linggong buntis	Nagdedepende ayon sa ward	Lugar na pwede mong maranasan ang pagaalaga sa sanggol, at para matutunan ang pamumuhay na may nakakasamang sanggol.
Leksyon Para sa mga Bagong Nanay at Tatay	Pagbubuntis bago pa sa unang panganganak ika-16-ika-31 na linggong buntis at kanilang mga asawa	Nagdedepende ayon sa ward	Grupong konsultasyon tungkol sa pangangasiwa ng pagbubuntis, panganganak, at pagpapalaki ng bata bilang mag-asawa

Suportang Pinansyal para sa Gastusin sa Ospital

Kung kailangan ma-ospital dahil sa alinman sa limang sakit nakalista sa ibaba, mayroong ilalaan na suportang pinansyal batay sa ibibigay na income ng pamilya.
(* Mayroong sistema ng quota batay sa income)

5 tipo ng sakit / dala ng panganganak na hypertension, Diabetes, Anemia, Obstetric Bleeding, Cardiac Disease

Sa Pinakataas na Pahina

Kontaks

Kapag nakaramdam ka ng anumang kahirapan, huwag magkimkim ng nararamdaman - kontakin agad ang Maternal & Child Center.

Naka Ward / Higashi Ward / Minami Ward / Nishi Ward / Hamakita Ward / Tenryu Ward

Tanggapang Pampurok "Dibisyon ng Kalusugang Pagtataguyod"

Kita Ward

Sentro ng Pangkalusugan ng Isana (Kita Ward)

Sa Pinakataas na Pahina