CANAL HAMAMATSU Mapa ng mga Pasilidad

ここから本文です。

Update date:March 8, 2022

Iba pang impormasyon

Kapag may bagyo o malakas na ulan ang paparating

Bawat taon, ang Japan ay nakakaranas ng mga bagyong nagdudulot ng mga pinsala. Ikaw ba ay lubos na handa?
Ang nasa ibaba ay listahan at paghahanda para sa paparating na bagyo at malakas na ulan. Dapat mong malaman ang mga ito ay kung mayroon man lugar sa iyong bahay na hindi handa dapat mong agad na isaayos ang mga ito.

Panlabas na listahan

Bubong

  • May laryo bang may lapat o maluwag?
  • Ang mga bakal na na pilyego ba ay maluwang o natatanggal?

Alulod at pambagyong pintuan

  • Ang mga alulod ba ay puno ng mga dahon at dumi? May mga dugtungan bang naalis? Ang pintura ba ay nababakbak? May kalawang ba?
  • Ang mga pambagyong pintuan ba ay mahina o baluktot?

Panlabas na pader

  • Meron bang mga lamat sa argamasa?
  • Mayroon bang nabubulok o sirang parte sa kahoy na bakod?
  • Ang mga kanistra ba ng propeyn na gaas ay maayos na naitabi?

Beranda

  • Ipasok ang mga aytem na maaring liparin ng hangin gaya ng mga paso at poste ng sampayan.

Babasaging bintana

  • May mga lamat ba o ang kuwardro ay mahina na? At saka, lagyan ng tabla ang mga bintana upang maiwasang mabasag ang mga ito ng mga lumilipad na mga bagay.

Pader na laryo

  • May mga lamat ba o sirang parte?

Paghahanda sa loob

  • Maghanda ng mga nabibitbit na ilaw ay radyo kung sakaling mawalan ng kuryente.
  • Maghanda ng inuming tubig kung sakaling mawalan ng suplay sa tubig.
  • Ihanda ang iyong pangkagipitang bag na mga mahahalagang gamit kung sakaling kailanganing lumikas.
  • Makinig sa mga ulat panahon tungkol sa bagyo, ulan at hangin.
  • Huwag basta-basta lumabas ng bahay. Kapag ikaw ay lumabas, daliang bumalik ng bahay hanggat maari.
  • Sa mga lugar na binabaha, itaas ang mga mahahalagang gamit.
  • Ang mga matatanda, kabataan, may sakit, at may mga kapansanan ay dapat na ilipat sa ligtas na lugar/silid.
  • Magdesisyon bilang isang pamilya sa lugar na lilikasan at paraan ng komunikasyon sakaling kayo ay magkahiwa-hiwalay.

Sa Pinakataas na Pahina

Paglikas sa panahon ng baha

  • Magsuot ng helmet o pagkaligatasang hood. Magsuot ng pang-isports na sapatos na may sintas kaysa sa Wellington (gum) na bota.
  • Lumikas nang may tali sa iyong mga katawan upang hindi kaya matangay. Bantayan ang iyong mga anak.
  • Kapag naglalakad sa mga bahang lugar, kumuha ng mahabang patpat bilang saklay at gamitin ito upang tiyakin ang kaligtasan ng lupa sa ilalim ng tubig habang ikaw ay naglalakad.
  • Pasanin ang mga nakatatanda at may sakit. Panatilihing ligtas ang mga bata sa pamamagitan ng pagpapasuot sa mga ito ng salbabida.
  • Ang mga kalalakihan ay maaring maglakad sa lalim na 70cm; at mga 50cm naman para sa mga kababaihan. Kapag ang tubig ay umabot na sa iyong baywang pumunta sa mataas na lugar at hintayin na ikaw ay mailigtas.

Sa Pinakataas na Pahina

Pinsala ng hangin at ulan - batayang kaalaman

Ang kaibahan ng bagyo ay at malakas na unos

Ang sistema ng mga mabababang presyur ay nagmumula sa mga tropikal na lugar na tinatawag na unos, at iyong may bilis ng hangin na lagpas sa 17metro/sigundo ay tinatawag na bagyo (Gale force 8 = 17.2 m/s). Ang mga unos ay maari ring magdulot ng mga pinsala dahil sa ulan, kaya kailangan ng ibayong pag-iingat kagaya ng sa bagyo.

Nakatipong Ulan

Ang nakatipong ulan ay nangyayari kapag ang ulan ay bumuhos sa isang maliit at partikular na lugar sa maikling panahon. Ito ay kadalasang nangyayari sa panahon ng tag-ulan at bagyo at ito ay mahirap na hulaan dahilan sa limitado ito sa isang mailiit na lugar. Ang mga taong nakatira malapit sa bundok, sa ilog, pampang, o sa mga lugar na kailangan ng ibayong pag-iingat. At saka, may dumaraming kaso ng pagbaha sa lungsod, kaya ng mga nakatira sa lungsod ay dapat ding mag-ingat.

Paglaki ng tubig

Ang paglaki ng tubig ay isang penomena na nagaganap kapag ang dumaraang bagyo o unos ay nagdulot ng abnormal na pagtaas ng lebel ng tubig sa dagat. Ito ay mapanganib kapag ang mga ito ay natapat sa mataas na tubig. Ang mga taong naninirahan sa tabing dagat ay kailangan ng ibayong pag-iingat.

Ang kaibahan ng alarma at babala

Ang babala ay inilalabas kung may sakunang maaring maganap, at ang alaram ay pinapatunog kung may pangunahing sakunang maaring maganap. Gayunpaman, hindi ito ang kasong maari ka nang mapalagay habang ito ay babala na taliwas sa isang alarma. Manatiling nakatutok sa telebisyon at radyo, at mangalap ng mga tamang impormasyon at gumawa ng tamang hakbang base rito.

Sa Pinakataas na Pahina

Mga pag-iingat sa camping

Kamakailan lamang maraming mga pamilya ang nagkakamping tuwing tag-init. Kung may mga pamilyang hindi lubos na nauunawan ang kapangyarihan ng kalikasan na ang kondisyon ay bigla-biglang nagbabago, magkakaroon ng mga aksidenteng mayroon pinsalang hindi na maisasaayos. Alalahanin ang mga puntos sa ibaba ay i-enjoy ang iyong kapang sa isang ligtas na paraan.

1) Ang pangunahing alituntinin sa pagpunta sa kagubatan ay protektahan ang iyong sarili.
2)Huwag maliitin ang kakayahan ng kalikasan. Kumilos na parang naghahanda sa pinakamasamang senaryo.
3)Alamin ang ulat sa panahon bago lumikas kapag ikaw ay nasa lugar ng kamping.
4)Itayo ang iyong tent sa mataas na lugar malayo sa baybayin at ilog. Huwag magtayo ng tent sa pulong buhangin at sa ilalim ng talampas.
5)Kapag nakarinig ka ng kulog o bumuhos ang ulan, daliang pumunta sa ligtas na lugar.
6)Sundin ang instruksyon ng Bulwagang Panglungsod, ng bumbero at ng kapulisan. At saka, makinig sa mga lokal na residente.

Sa Pinakataas na Pahina

Pagguho ng lupa

Pagguho ng lupa sa mga talampas ay maaring mangyari dahil sa bagyo at sa nakatipong ulan. Kapag ang lupa ay malapit nang gumuho ito ang mga senyales. Ang mga taong nakatira malapit sa mga mapanganib na lugar ay dapat na mag-ingat sa mga ito.

Uri ng pagguho ng lupa at mga babalang senyales

Pagguho ng mga bato

Ang pagguho ng mga bato ay nagaganap kapag ang talampas ay lumambot sanhi ng ulan at biglang gumuho pababa. Nangyayari ito sa isang iglap kaya ang pinsala ay malaki. Kapag may mahigit na 20mm ulan sa isang oras, o patuloy na umulan hanggang sa umabot sa mahigit sa 100mm, dapat kang maging alerto kahit pa tumila na ang ulan.

Mga babalang senyales
  • Ang tubig sa talampas ay marumi.
  • Ang mga lamat ay nagsimulang lumitaw sa talampas at may mga maliliit na bato ang bumabagsak.
  • Ang talampas ay nagsumulang gumawa ng ingay.

Pagbaha ng putik

Ang pagbaha ng putik ay nagaganap kapag ang putik, bato, o buhangin sa dalisdis o lambak ay biglang rumagasa dahil sa malakas na ulan. Ito ay mabilis at malakas, nagdudulot ng malaking pinsala sa isang lugar.

Mga babalang senyales
  • Ang mga bundok ay nagsisimulang dumagundong.
  • Ang mga tubig sa ilog ay bumaba kahit pa patuloy ang pag-ulan.
  • Ang ilog ay marumi at ang mga natangay na kahoy ay lumulubog.

Pagguho ng lupa

Ang pagguho ng lupa ay medyo mabagal, at ang lebel ng luad sa lupa ay mahinahong bumaba sa dalisdis. Nangyayari ito sa malawak na lugar kaya ang pinsala ay malaki.

Mga babalang senyales
  • May mga bitak na makikita sa lupa.
  • Ang tubig sa balong at ilat ay naging marumi.
  • May mga lumalabas na tubig sa talampas o dalisdis.

Sa Pinakataas na Pahina